Ĉu vi volas lerni Esperanton kiel ĝi vere estas? Ĉu vi volas trapasi la KER-ekzamenon en la nivelo B2, flua parolanto?
Se vi jam konas Esperanton relative bone (ekzemple se vi povas legi Esperanto-revuon sen multaj problemoj), partoprenu la virtualan kurson B2 de Renato Corsetti. Ĝi konsistas el multa legado, plenskribado de ekzercoj, aŭskultado de tekstoj kaj voĉaj interbabiladoj marde vespere je la 18h30 laŭ la brita horo.
Kiom longe daŭras la kurso? Dependos de vi ! Kiam vi estos preta por la ekzameno B2, se vi loĝas en Britujo, vi ricevos financan helpon de la brita landa asocio, EAB, por pagi la ekzamenkotizon. Tamen ne eblas jam nun antaŭvidi, kiom da tempo vi bezonos por pretiĝi por la ekzameno.
